Tuesday, November 27, 2012

耳語(4): 僭建、僭建、又係僭建



無奈又是梁振英的僭建,涼茶鋪阿伯的說話又在耳邊響起。

耳語4.1
「啲傳媒,又係梁振英,好煩呀,講夠未呀?」

我想講,我都好煩。第1日,講一半唔講一半;第2日,講了另外那一半的一半,但又被揭露新問題;第5日,新問題解釋了一半;第7日,否認有新僭建;第10日,有訴訟唔講唔講唔講;第150日,終於「開誠布公」,但充滿新疑點,否認過的密室原來真有其事;第151日,繼續講一半唔講一半。

152日,路人的耳語話:好煩呀,傳媒講夠未呀?

請大家不要善忘,更不要刻意善忘。好煩,而不再關注,正中下懷。


耳語4.2
「啲傳媒淨係針對梁振英,又唔針對長毛掟蕉,講下何俊仁夠無誠信囉……」

傳媒當然係監察位高權重的人,梁振英有權選擇局長,安插自己人馬,用納稅人的錢為他自己的政策宣傳,用納稅人的錢搞地區工作為五年後拉票。為何要用同等力度監察那位掟蕉掟屎掟極都唔中的長議員?

況且,誰人更值得尊重?誰人更有民意授權?

長毛得票48295,新界東「票王」;何俊仁得票228840

梁振英?689


耳語4.3
「你哋的傳媒,個個反對梁振英呀…」

1. 支持梁振英的傳媒,多到嚇死你,好多人睇的,有XXX, XXXX, XXX,形同笑話的,有XXX, XXX, XXXX, XX, XX等,當然還有眾所X知的XXX;扮中立暗裡擦鞋的,有XXXX, XXXX, XX, XXXX

2. 既不能反駁質疑,於是轉移直接批評傳媒:「傳媒都係不可信的」。跳過討論理據,直接攻擊傳媒不可信,這是梁粉一幫的新招數,很多人受落。


耳語4.4
「僭建,我屋企都有僭建啦,好閑啫,人人都有!」

學梁振英批評唐英年話齋:「這不是僭建大小的問題,這是誠信問題。」

一就一,二就二,有就有,無就無,一早講清楚,大家駛鬼煩到今日?


耳語4.5
「搞好經濟、搞好民生,我無飯食啦,搞好民生,唔好煩呀。」

請放心,是屆政府有巨額彈藥,為了五年後的可能普選,梁振英必定會盡力搞好民生福利,收買人心,這是梁振英唯一的求生路徑。

「好閑」、「好煩」、「你反對」、「你針對」,皆非視而不見的理由。最重要,是擺理據,講事實。


耳語4.6
「我們不應要求特首是一個聖人。」

我們只要求一個有正常人品格的人;就算玩弄權術,也請多一點技巧。

梁振英的三不架構:不記得、不知道、不存在。大家好好學習,以後活學活用。

早前的耳語系列:

還有一篇舊文
僭建特權